skip to Main Content

Дескоска ќе ги информира семејствата на жртвите во случајот „Монструм“

    5
Дескоска ќе ги информира семејствата на жртвите во случајот „Монструм“

Министерката за правда ќе се сретне со семејствата на жртвите во случајот „Монструм“ и детално ќе ги информира околу преземените дејствија за екстрадиција на лицата од Косово, информира Министерството за правда.

Воедно, Министерството за правда чувствува должност подетално да ја информира јавноста околу постапката за екстрадиција на двете осомничени лица во случајот „Монструм“,  Демири и Исмаиловиќ.

-Во постапката за екстрадиција на г. Демири и г. Исмаиловиќ, Министерството за правда ги прави сите напори двајцата бегалци од правдата да ги донесе во Република Северна Македонија, притоа користејќи ги сите законски можности, но и билателарниот договор со Косово. Првото барање за екстрадиција на лицата е испратено во март 2013 година. На 22 јануари 2016 година, Апелациониот суд на Република Косово го одбива првото барање за екстрадиција- наведуваат оттаму.

Откако беше комплетиран предметот повторно, од страна на министерката Дескоска беше испратено новото барање за екстрадиција, кое Министерството за правда на Косово го имаат примено на 05 септември 2018 година.

-Во новото барање детално се задржавме на сите точки кои беа истакнати во претходно одбиено барање за екстрадиција. Од поднесувањето на барањето за екстрадиција – до денес Министерството за правда на Република Северна Македонија нема добиено никаков одговор од  Министерството за правда на Косово- наведуваат во соопштението од Министерството за правда.

На располагање на Министерството за правда на Република Северна Македонија, појаснуваат оттаму, му преостанува единствено да испраќа ургенции и да бара од надлежните косовски власти да се произнесат.

-Вакви ургенции имаме пратено во два наврати, и тоа на 26 февруари 2019 година, а последната ургенција е испратена на 3 јули оваа година. Согласно сите податоци со кои нашето Министерство располага, а кои ги имаме доставено до Министерството за правда на Косово, очекуваме лицата да бидат екстрадирани и да бидат изнесени пред лицето на правдата- стои во соопштението.

5

ТАГОВИ: Дескоска монструм

Back To Top