skip to Main Content

„Транспортер“ и „Титаник“ закажани во Кривичен

    10
„Транспортер“ и „Титаник“ закажани во Кривичен

Во Основниот суд Скопје 1 Скопје, со почеток во 10 часот, треба да се одржат судските рочишта за предметите со кодно име „Транспортер“ и „Титаник“ на Специјалното јавно обвинителство (СЈО).

Предметот „Транспортер“, се однесува на злоупотреба на службената положба, во овој предмет се обвинети 20-тина лица.

Меѓу нив е и поранешниот битолски градоначалник Владимир Талески, СЈО ги товари за злоупотреба на службената положба во врска со организирањето превоз на ученици во Битола, со што е направена проневера на околу 360.000 евра.

Предметот „Титаник“ се наоѓа во доказна постапка и се изведуваат докази предложени од СЈО. Станува збор за околу 5.900 материјални докази. Се презентираат лични документи, како барања за издавање лични карти, изјави за ополномоштени лица, извадоци од сметки, потврди и други документи.

Освен поранешниот премиер Никола Груевски кој е во бегство, во „Титаник“ обвинети се и Кирил Божиновски, Миле Јанакиески, Гордана Јанкулоска, Билјана Бришкоска Бошковски, Илија Димовски, Мунир Пепиќ, Едмонд Темелко, Леко Ристоски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашјаковска.

Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.

 

10

ТАГОВИ: рочишта СЈО

Back To Top