skip to Main Content

Струмичанец во своето возило криел над 10 грама кокаин

    1
Струмичанец во своето возило криел над 10 грама кокаин

Основното јавно обвинителство Скопје донесе Наредба за спроведување истражна постапка против лице за кое постои основано сомнение дека сторило кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

Осомничениот, според сознанијата на ОЈО Скопје, во својот автомобил со струмички регистарски таблици, во левото задно штоп светло, скрил наркотична дрога кокаин со вкупна нето маса од 10,31 грама, спакувана во три полиетиленски пакувања.

Дрогата била пронајдена на 17.07.2020 година, при претрес од овластени службени лица на наплатната рампа Миладиновци.

Надлежниот јавен обвинител до судијата на претходна постапка од Основниот кривичен суд Скопје достави Предлог за определување мерка притвор за осомничениот 46-годишен жител на струмичкото село Костурино.

1

ТАГОВИ: кокаин струмичанец

Back To Top