skip to Main Content

Притворен скопјанец за недозволена трговија со хашиш во Куманово

    5
Притворен скопјанец за недозволена трговија со хашиш во Куманово

Основното јавно обвинителство Куманово донесе Наредба за спроведување истражна постапка против едно 45- годишно лице од Скопје, за кое постои основано сомнение дека сторило кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

Осомничениот, на 1 септември, на локалниот пат село Никуштак – Куманово, во атарот на селото Никуштак, неовластено заради продажба држел наркотична дрога хашиш.

-Тој на наведената локација застанал и излегол од својот автомобил, при што во неговата десна рака држел две најлонски пакувања во кои имало хашиш со вкупно нето маса од 306,24 грама. Во тој момент бил затекнат од полициски службеници кои извршиле личен преглед и ја пронашле и ја заплениле дрогата- наведуваат во соопштение од ОЈО Куманово.

Надлежниот јавен обвинител до Основниот суд Куманово поднесе Предлог за определување мерка притвор за осомниченото лице. Судијата на претходна постапка го уважи предлогот и му определи мерка притвор во траење од 30 дена.

5

ТАГОВИ: дрога Куманово ОЈО трговија хашиш

Back To Top