skip to Main Content

Поднесено обвинение за убиство и обид за убиство во Арачиново

    3
Поднесено обвинение за убиство и обид за убиство во Арачиново

Основното јавно обвинителство Скопје до Основниот кривичен суд – Скопје поднесе Обвинителен акт против три лица. Еден од обвинетите се товари за кривично дело – Убиство од член 123 став 1, додека сите тројца се обвинети за кривично дело – Убиство од член 123 став 1 во врска со член 19 (обид) од Кривичниот законик.

-На 31.08.2014 година, тројцата обвинети влегле во двор од куќа во Арачиново, во која живеел сега покојниот Бајрами Мевљудин и неговото семејство. Еден од обвинетите, со истрел од огнено оружје – пиштол, со умисла го лишил од живот Бајрами Мевљудин, а се обидел да лиши од живот и уште едно лице, брат на жртвата. Останатите двајца обвинети пукале кон мајката на жртвата и кон другиот брат, нанесувајќи им прострелни рани- стои во соопштението од ОЈО Скопје.

Ценејќи дека и натаму постојат законските основи заради кои на тројцата обвинети им беше претходно определена мерка притвор, надлежниот јавен обвинител до Кривичниот суд достави и предлог за продолжување на оваа мерка за обвинетите.

Притоа, од Обвинителството наведуваат дека, како основ се наведува опасноста обвинетите да се дадат во бегство со цел да го избегнат кривичниот прогон, особено со оглед на тоа што тие не биле достапни на органите на прогонот речиси пет години по извршување на делото и беа лишени од слобода дури во април годинава.

3

ТАГОВИ: обвинение Обид за убиство убиство

Back To Top