skip to Main Content

Половина тон марихуана запленета на ГП Богородица (галерија)

    6
Половина тон марихуана запленета на ГП Богородица (галерија)

Основното јавно обвинителство за гонење на организиран криминал и корупција во координирана акција со Министерството за внатрешни работи и Царинската управа заплени 513.728,5 грама наркотична дрога марихуана, спакувана во 181 пакување со различна големина и тежина.

Дрогата е пронајдена при контрола на камион со скопски регистерски таблички на Граничниот премин Богородица, на излез од Република Македонија, во специјално направен бункер на кровот на приколката.

Возачот на камионот е лишен од слобода и по барање на надлежен обвинител во текот на денот ќе биде изведен пред судија на претходна постапка во Основниот суд Скопје 1 Скопје, додека по едно лице се трага.

-Пронајдената дрога во Република Македонија е влезена од Република Албанија, а била наменета за нарко пазарот во Република Турција. Според првичните информации се работи за меѓународна криминална група во која се вмешани државјани на Република Македонија, Република Албанија и Република Турција- се вели во соопштението од обвинителство.

За понатамошниот тек на постапката јавноста ќе биде дополнително информирана, велат оттаму.

6

ТАГОВИ: заплена марихуна

Back To Top