skip to Main Content

Апелација потврди дека екс-судијата Панчевски вршел мобинг врз вработен

    6
Апелација потврди дека екс-судијата Панчевски вршел мобинг врз вработен

Поранешниот претседател на Кривичниот суд, Владимир Панчевски е правосилно осуден за мобинг врз вработениот во Кривичниот суд, Горан Стаменковски, кој сè уште е вработен во Судот.

Инаку, Панчевски неодамна беше разрешен од својата судиска функција, поради наводни малверзации со АКМИС системот.

Позитивната пресуда за мобинг деновиве ја потврдил и Апелацискиот суд во Скопје и ова е прва конечна пресуда за мобинг во Македонија, напиша на Фејсбук адвокатката Маја Ристова.

-Согласно донесената одлука, вршител на вертикалниот мобинг е лицето В.П. од Скопје. Мобингот во форма на психичко вознемирување е вршен према лицето Г.С. од Скопје на начин што без решение за распоредување, а врз основа на задолжение, бил приморан да работи на голем број предмети, со краток рок на извршување, бил јавно деградиран, исмејуван и омаловажуван, а против него било покренато и дисциплинска постапка. Мобингот траел неколку години, а покрај другите докази, жртвата има и медицинска документација, како доказ за нарушено здравје. Ова е прва конечна пресуда во Р.С. Македонија, објави адвокатката Маја Ристова на Фејсбук.

6

ТАГОВИ: мобинг Панчевски

Back To Top